Калашматы краб паставіў пад пагрозу эканоміку Шатландыі

Кітайскі калашматы краб упершыню выяўлены ў Шатландыі.

Аб гэтым піша NEWSru.com са спасылкай на The Guardian. Рэшткі гэтай жывёліны знайшлі ў рацэ Клайд, размешчанай на поўдні краіны. Гэта стала непрыемнай навіной для эколагаў і рыбакоў, паколькі гэты тып можа паставіць на мяжу знікнення папуляцыі ласося і стронгі, якія з'яўляюцца адным з асноўных артыкулаў экспарту з гэтага рэгіёну.

Кітайскі калашматы краб уваходзіць у сотню самых небяспечных інвазійных відаў: ён разбуральна ўздзейнічае на экасістэму. Калі ён дабярэцца да месцаў нерасту рачной рыбы, гэта можа адмоўна адбіцца на яе папуляцыях, бо ён сілкуецца у тым ліку ікрой, сцвярджае доктар Дэвід Морыт з Лонданскага ўніверсітэта.

Акрамя таго, калашматы краб разбурае сваімі норамі плаціны, пашкоджвае сеткі і злоўленую ў іх рыбу. Ён таксама пераносіць небяспечнае захворванне - рачыную чуму, што выклікае масавую загубу рачных ракаў. Небяспечны ён і для чалавека - ва Усходняй Азіі гэты краб служыць прамежкавым гаспадаром лёгачнай двухвускі. Гэты лёгачны смактун выклікае ў чалавека такое захворванне, як параганімоз, якое паралізуе лёгкія, падскурную абалонку, мышцы і галаўны мозг. Лячэнне можа заняць некалькі гадоў, у некаторых выпадках прагноз неспрыяльны.

Пакуль невядома, якім чынам краб трапіў у раку Клайд, - навукоўцы не выключаюць, што хтосьці наўмысна выпусціў на волю адзінкавую жывёліну. Аднак цалкам магчыма, што небяспечны від пракраўся з суседняй Англіі, дзе з'явіўся яшчэ ў пачатку XX стагоддзя.

Радзімай гэтага тыпу, як вынікае з назвы, з'яўляецца Кітай. Самым вядомым месцам яго распаўсюджвання з'яўляецца возера Янчэнху на ўсходзе краіны.

У 1912 годзе быў выпадкова завезены з баластнымі водамі ў Еўропу, дзе шырока рассяліўся. Першае з'яўленне кітайскага калматага краба ў Чорным моры было зафіксаванае ў 1998 годзе. Ён таксама сустракаецца на Волзе і ў Анежскім возеры.

Сваю назву - "калматы" - гэты ракападобны атрымаў за шматлікія валасінкі на лапках, якія ўтвараюць на іх своеасаблівыя "рукавіцы".

Фота: Global Look Press