Сямён Сяменчанка: Давайце станем моцнымі. І тады будзе мір

Вайсковыя дзеянні адновяцца тады, калі Пуцін разважыць, што Украіна дастаткова аслабла.

Пра гэта камандзір батальёна «Данбас» Сямён Сяменчанка напісаў у «Фэйсбуку».

«Што будзе з Украінай? Што нас чакае далей? Думаю, што вайсковыя дзеянні адновяцца тады, калі Пуцін разважыць, што Украіна дастаткова аслабла ў той ці іншай пункце. Усё адно, гэта падзенне курсу грыўні, рост коштаў або праблемы з аплатай за газ.

Таму нам трэба цяпер выкарыстоўваць час так званага замірэння для таго, каб арганізавацца ў абласцях. Людзі, якія разумеюць, што, акрамя іх, іх ніхто бараніць не будзе павінны арганізавацца, звязацца з іншымі абласцямі, стварыць сістэму тэрытарыяльнай абароны. Трэба цалкам аднавіцца тым часткам, якія панеслі страты, максімальна навучыць сваіх байцоў. І ўсім разам аб'ядноўвацца для ціску на ўладу.

Таму што бясконца слухаць гісторыі пра тое, што «катлы» ўтвараюцца самі сабой, сціраць іх з памяці людзей адхільнымі манеўрамі ў інфармацыйнай прасторы - гэта не магчыма.

Так, мы ўсе хочам міру, а ў большасці з нас ёсць ужо, напэўна жаданне міру ўсялякім коштам. Але нават у такіх людзей цяпер ёсць разуменне таго, што Расея сёння - гэта драпежнік, які будзе браць колькі мы аддамо.

Давайце станем моцнымі. І тады будзе мір», - напісаў ён.