Мацвей Ганапольскі: Не ўдавайце, быццам ва Украіне няма вайны

На думку расейскага журналіста, няправільна крычаць пра рэформы, калі ў краіне гінуць людзі.

І калі прэзідэнт возьме за прыярытэт рэформы, а не развязанне надзённых праблем, на наступных выбарах людзі абяруць "новую рэінкарнацыю Партыі рэгіёнаў", сказаў Мацвей Ганапольскі ў праграме "Чорнае люстэрка".

"Вайна - гэта тое, што нельга не бачыць. Усе, хто сядзяць цяпер у гэтай зале, удаюць, што Украіна не ваюе. Я мяркую, што гэта няправільна. Чаго вы ўсе робіце выгляд, што Украіна не ваюе?

Блаславёныя часы Януковіча, цяпер уся рыторыка такая, як быццам няма вайны. Навошта вы ўсе ўдаяце, што не ідзе вайна? Усе сядзяць і кажуць: "Штосьці мы рэформаў не бачым".

У Грузіі, калі мы гаворым пра Грузію, здарылася трагедыя, таму што Саакашвілі, як многія гарачыя галовы тут кажуць, "вось штосьці мы не бачым рэформаў", ён ламаў краіну праз калена. І што атрымалася - усё як чакалася. Цалкам спакойна ў адзін цудоўны дзень праз дэмакратычную працэдуру выбралі не яго.

Вы хочаце, каб спадар Парашэнка пачаў "Эх, рэформы!" і пасля гэтага каб грамадзяне нават без Майдана спакойна на дэмакратычных выбарах абралі новую рэінкарнацыю Партыі рэгіёнаў?

Давайце не забываць, што ёсць прэзідэнт, у прэзідэнта ёсць вотум даверу, 56% ва ўсёй краіне. Яго абралі на ўсёй тэрыторыі Украіны, і ён стаў прэзідэнтам. Учора ён абвясціў, што гэта будзе першым пунктам, і гэта будзе першым пунктам.

Якія пытанні ў грамадзян? У грамадзян пытанне справядлівае, а чаму так доўга чакалі? Чаму хоць бы нешта адно не пачалі раней?"- цытуюць яго "Подробности".

Але рабіць выгляд, што такая велізарная краіна расшкуматаная супярэчнасцямі тэрытарыяльнымі, расшкуматаная супярэчнасцямі элітаў... Усе выдатна разумеюць, як мяняюцца эліты. Мне здаецца, што нельга ў адну секунду эліту памяняць - гэта будзе грандыёзная трагедыя, інфільтрацыя. Насычэнне новымі людзьмі.