Раптоўны выбух вулкана ў Японіі (Відэа)

Раптоўны выбух вулкана Антакэ ў Японіі раніцай 27 верасня заспеў знянацку сотні чалавек.

Дзесяткі турыстаў заблакаваныя ў двух альпінісцкіх лагерах на схілах, а чацвярых альпіністаў засыпала попелам. Ідзе выратавальная аперацыя.

У першыя дзве гадзіны пасля выбуху метэаролагі зафіксавалі больш за дзвесце вулканічных землятрусаў, піша РІА "Нововсти" са спасылкай на Kyodo.

Са слоў прадстаўніка пажарнага дэпартамента прэфектуры Нагана Маката Насэгава, у выніку выбуху вулкана восем чалавек атрымалі раны, у тым ліку адзін - цяжкія.