Барыс Нямцоў: Пуцінская эканоміка страціла імунітэт
11- 30.09.2014, 8:12
- 23,098
Курс 39.3 рублёў за даляр падобны на тэмпературу цяжка хворага.
Пра гэта напісаў на сваёй старонцы ў Фэйсбуку лідэр расейскай апазіцыі Барыс Нямцоў.
«Расейская эканоміка страціла імунітэт. Уцёкі капіталу-больш за 75 млрд даляраў за паўгода, санкцыі супраць банкаў і нафтавых кампаній, зніжэнне коштаў на нафту (справа ідзе да 90 даляраў за барэль), рост коштаў на прадукты вышэй за 10%, вар'яцтва пуцінскіх менеджэраў тыпу Сечына, Мілеры і Якуніна, а таксама спыненне эканамічнага росту - відавочныя прычыны і сімптомы хваробы», - напісаў Нямцоў.
Расея ўступае ў паласу зніжэння рэальных даходаў, пенсій і заробкаў, мяркуе палітык.
«Для рэжыму гэта выклік. Ніколі яшчэ за гады кіравання Пуціна даходы не падалі. А цяпер будуць. Шмат у чым гэта плата за вайну з Украінай, хоць людзям будуць хлусіць, што ва ўсім вінаватыя піндосы.
Праз хлусню давер да рэжыму яшчэ захаваецца пару месяцаў, а потым папаўзе ўніз. Голад не цётка», - упэўнены Нямцоў.