Кучма, Зурабаў і Пургін едуць у Менск

Сёння ў Менску пройдзе чарговая сустрэча прадстаўнікоў уладаў Украіны і сепаратыстаў.

У імплементацыі мірнага плана ўрэгулявання сітуацыі на Данбасе важная падтрымка місіі АБСЕ, перакананы прэзідэнта Украіны Пётр Парашэнка, піша NEWSru.ua.

«Вельмі важна, каб АБСЕ падтрымала нас для таго, каб была распачатая місія маніторынгу (рэжыму спынення агню) і каб усе закладнікі, якія ўтрымліваюцца тэрарыстамі, былі вызваленыя», - сказаў кіраўнік Украінскай дзяржавы на прэс-канферэнцыі ў Ньюпорт.

«Гэтую сітуацыю на расейска-ўкраінскай мяжы трэба пачаць кантраляваць і трэба вывесці расейскія войскі - гэта вельмі вялікі выклік, які цяпер існуе ў гэтых палітычных перамовах», - таксама адзначыў прэзідэнт Украіны.

Ён выказаў надзею на станоўчы вынік перамоў Трохстаронняй кантактнай групы, якія павінны адбыцца 5 верасня ў Менску. «У мяне ёсць аптымізм, але вельмі асцярожны ў дачыненні да сустрэчы Трохстаронняй кантактнай групы. Спачатку была заява расейскага прэзідэнта і ўрада, кіраўнікоў Расеі, і гэта быў адказ на заяву лідэраў так званых ЛНР і ДНР, і яны напагатове пачаць хуткае спыненне агню», - адзначыў Пётр Парашэнка.

Ён адзначыў, што як прэзідэнта прыкладзе максімум намаганняў для дасягнення галоўнай мэты - міру на ўкраінскай зямлі. «Мы пастараемся зрабіць усё, каб спыніць агрэсію, каб спыніць агонь, таму што Украіна плаціць самы высокі кошт кожны дзень, і мы губляем жыцці сваіх жаўнераў, нявінных грамадзян», - сказаў ён.

Разам з тым прэзідэнта падкрэсліў, што суверэнітэт, тэрытарыяльная цэласнасць і ўкраінская незалежнасць не з'яўляюцца пытаннем перамоваў. «Яны застануцца такімі, як яны ёсць. Украіна суверэнная, незалежная і цэласная», - адзначыў Пётр Парашэнка.

Ён таксама адзначыў, што калі ўдзельнікі перамоваў пачнуць рабіць рэальныя крокі для ўстанаўлення міру бяззбройных шляхам, украінская старана гатова весці дыялог у гэтым кірунку.

«Калі заявы Пуціна пра тое, каб прыняць палітычную пастанову, былі сапраўднымі, я буду рады гэтаму. Тое, што нам трэба - канструктыўны палітычны працэс», - канстатаваў прэзідэнт.

Украіну на перамовах у Менску прадставіць былы прэзідэнт Леанід Кучма, Расею - амбасадар Міхаіл Зурабаў, а тэрарыстычныя арганізацыі «ДНР» і «ЛНР» - Андрэй Пургін і Аляксей Каракін.

Падчас новага раунда перамоў, які арыентавана пачнецца а 14.00 паводле Кіева стораны маюць намер перайсці да канкрэтыкі. Калі на папярэдняй сустрэчы парламенцёры толькі агучылі свае пазіцыі, то сёння плануюць іх абмяркоўваць.

У прыватнасці, прадстаўнікі «ДНР» і «ЛНР» патрабуюць спынення антытэрарыстычнай аперацыі, правядзенне свабодных выбараў на месцах і асаблівага статусу для сваіх тэрыторый.

Акрамя таго, стораны спрабуюць узгадніць абмен закладнікамі паводле формулы «усіх на ўсіх».

Нагадаем, 3 верасня прэс-служба прэзідэнта Украіны паведаміла пра тое, што падчас перамоваў з прэзідэнтам Расеі была дасягнутая дамоўленасць аб «бестэрміновым спыненні агню» на Данбасе.

Пазней гэтая фармулёўка была заменена на «рэжым спынення агню». У сваю чаргу Пуцін прапанаваў Украіне свой план урэгулявання сітуацыі на Данбасе з сямі пунктаў.

У сваю чаргу прэм'ер-міністр Украіны Арсеній Яцанюк заявіў, што план Пуціна з'яўляецца спробай ашуканства для міжнароднай супольнасці: «Сем пунктаў» расейскага прэзідэнта нібыта для вырашэння крызісу ва Украіне дзіўным чынам нагадваюць план выратавання для расейскіх тэрарыстаў».

З ягоных слоў, «гэты чарговы «план» - спроба ашуканства для міжнароднай супольнасці перад самітам NATO і спроба пазбегнуць немінучых пастаноў Еўрапейскага Звязу пра ўкараненне новай хвалі санкцый супраць Расеі».

5 верасня ў Менску адбудзецца сустрэча трохстаронняй кантактнай групы ва ўрэгуляванні сітуацыі на Данбасе.

Парашэнка дапускае, што пастанова аб двухстароннім спыненні агню можа быць дасягнутая менавіта на гэтай сустрэчы: «5 верасня а 14:00, калі гэта будзе пацверджана, калі сустрэча адбудзецца, я вярнуся і дам даручэнні кіраўніцтву Генеральнага штаба аб двухстароннім спыненні агню, і мы спадзяемся , што імплементацыя мірнага плана будзе распачатая».