БРСМ атрымаў акрэдытацыю ў Еўрапейскай валанцёрскай службе
14- 5.09.2014, 17:19
- 8,119
Лукашэнкаўскі саюз моладзі атрымаў акрэдытацыю ў Еўрапейскай валанцёрскай службе (ЕВС) у рамках праграмы Еўрапейскага звяза Erasmus +.
Пра гэта БелТА паведаміла сакратарка ЦК БРСМ Вікторыя Менанава.
Erasmus + - новая праграма Еўрапейскага звяза для адукацыі, трэнінгаў, моладзі і спорту. Гэтая праграма - пераемніца «Моладзі ў дзеянні» і іншых праграм, якія раней рэалізоўваліся Еўрапейскім звязам. Адной з ключавых падпраграм Erasmus + з'яўляецца Еўрапейская валанцёрская служба, распавяла Вікторыя Менанава.
Асноўнай мэтай ЕВС з'яўляецца персанальнае, адукацыйнае і прафесійнае развіццё маладых людзей з дапамогай нефармальнага навучання. ЕВС падтрымлівае ўдзел моладзі ў розных формах валанцёрскай актыўнасці як унутры, так і за межамі Еўрапейскага звяза. Такія праекты ўключаюць маладых валанцёраў ад 17 да 30 гадоў у некамерцыйную дзейнасць для агульнай карысці ў краінах, якія не з'яўляюцца іх краінамі пражывання.