З Беларусі забаранілі вывозіць гарбарную сыравіну

Часовая забарона на вываз гарбарнай сыравіны і дублёнага паўфабрыкату ўведзеная ў Беларусі.

Пра гэта, як стала вядома charter97.org, гаворыцца ў пастанове Савета Міністраў №866 ад 4 верасня 2014. Дакументам устаноўлена, што забарона будзе дзейнічаць з 8 верасня 2014 года да 8 сакавіка 2015 года.

Забарона распаўсюджваецца на вываз неапрацаваных шкур буйной рагатай жывёлы (код 4101 адзінай Таварнай наменклатуры замежнаэканамічнай дзейнасці Мытнага саюза), дублёных скур са шкур буйной рагатай жывёлы (код 4104 11 адзінай Таварнай наменклатуры замежнаэканамічнай дзейнасці Мытнага саюза).