Уладзімір Клічко: Я сапраўды хачу пакараць Брыгса за нахабства

Чэмпіён свету ў суперцяжкай вазе паводле версіяў WBA, WBO і IBF Уладзімір Клічко заявіў, што хацеў бы выйсці на рынг супраць Шэнана Брыгса.

«Брыгс пераступіў усякую мяжу. Я сапраўды хачу пакараць яго за нахабства і вельмі хачу з ім біцца. Разумею Брыгса, у ягоных дзеяннях ёсць логіка. Ён хоча прыцягнуць да сябе ўвагу так, як гэта робяць Тайсан Фьюры, Дэвід Хэй, Мануэль Чаро, Марка Хук. Хлопцы, якія хочуць уцягнуць ў размову. І ніхто не зрабіў гэта так добра, як Шэнан Брыгс. Тым не менш ён пераступіў мяжу, ён не ведае, калі спыніцца, і гэта ўжо не смешна», - як піша sports.ru, сказаў Клічко.

Фота: Reuters