Намесніца міністра гандлю: У крамах няма памідораў? Купіце агуркі

На прылаўках крам якасных гародніны і садавіны стала прыкметна меней.

Некаторых з іх часам наогул немагчыма знайсці. Пра прычыны такога дэфіцыту журналісты распыталі на прэс-канферэнцыі намесніцу міністра гандлю Ірыну Наркевіч, піша «Комсомольская правда в Беларуси».

- Па дарозе сюды я зайшоў у тры крамы крокавай даступнасці, і ні ў адной з іх няма памідораў. Што робіцца для таго, каб развязаць праблему з дэфіцытам некаторых тавараў, і калі гэтую праблему ўдасца развязаць цалкам?

- З'есці агурок, - параіла Ірына Наркевіч. - Горад Менск настолькі развіты транспартна, (...) што купі талончык, які каштуе ў прынцыпе нядорага, перамясціся ў іншую частку горада ў краму і купі гэты памідор. (...) Вядома, вы хочаце атрымаць увесь тавар у крокавай краме, гэта разумна. Але тавары першай неабходнасці. Напэўна, памідор сёння тавар штодзённага попыту. (...) Вось вы кожны дзень ужываеце памідоры ці не? Але ён знайшоў памідор, якога няма ў яго краме, вось менавіта гэты памідор яму сёння патрэбны. Па шляху з працы зайдзіце ў іншую краму, дзе гэтых памідораў дастаткова. Не трэба шукаць тэму дэфіцыту, калі ў трох крамах няма памідораў. Чаго яшчэ няма?

- Баклажанаў.

- Паводле закона ў крокавай краме павінен быць універсальны асартымент тавараў. Напэўна, у краме крокавай даступнасці можа не быць баклажанаў. Але гэта па класіцы, не таму, што цяпер баклажаны зніклі. Я заходзіла ў іншыя крамы, гэтыя баклажаны былі. Не таму, што я заходжу, там бачаць мой твар - і паклалі баклажан на прылавак. Цяпер сітуацыя трошачкі складаная, адаптацыйная. Мы хочам, каб быў дэфіцыт? Не. Таму мы робім усё, каб вывяраць гэтыя пазіцыі з аптавікамі.

- Калі ўсё ж такі стабілізуецца сітуацыя?

- Я хіба магу гэта вам сказаць, калі тут залежнасць ад шматлікіх фактараў? Вось я, як намесніца міністра, магу вам гэта сказаць? Гэта ўсё залежыць ад эканамічнага чынніка на сённяшні дзень - прывязкі да валютнага кошыку. (...) Не ведаю, наогул, як сусветны крызіс, як у Расейскай Федэрацыі. Шмат жа фактараў. Мы ж не на Месяцы жывем і не ізаляваныя, мы таксама залежныя ад пастаўкі тавараў.