Carlsberg закрывае два заводы «Балтыка» ў Расеі
5- 29.01.2015, 17:00
- 12,853
Працу страцяць 560 чалавек з 766, якія працуюць у двух філіялах.
Дацкая кампанія Carlsberg закрые належныя ёй піўзаводы «Балтыка» ў Чэлябінску і Краснаярску праз складаную эканамічную сітуацыі ў Расеі і «агульным падзенні рынка піва», паведамляе BBC.
Як адзначаюць у кампаніі, працу страцяць 560 чалавек з 766, якія працуюць у двух філіялах.
«Балтыка» заяўляе, што агульны кошт кампенсацыйнага пакета і праграм падтрымкі складзе больш за 300 млн рублёў.
Заводы ў Чэлябінску і Краснаярску спыняцца 30 красавіка. У сувязі з гэтым аб'ёмы вытворчасці «Балтыкі» скароцяцца на 15%.