29 сакавiка 2024, Пятніца, 7:37
Падтрымайце
сайт
Сім сім,
Хартыя 97!
Рубрыкі

Марына Адамовіч: Статкевіч для Лукашэнкі - сапраўды хворая тэма

13
Марына Адамовіч: Статкевіч для Лукашэнкі - сапраўды хворая тэма

Раз дыктатар столькі раз падкрэсліў, што Статкевіч для яго не канкурэнт, то, хутчэй за ўсё, усё як раз наадварот.

Такое меркаванне выказала charter97.org жонка былога кандыдата ў прэзідэнты Мікалая Статкевіча Марына Адамовіч. Сёння на прэс-канферэнцыі Лукашэнка некалькі разоў паўтарыў, што Статкевіч для яго - не палітык, і нават пакляўся сваімі дзецьмі. Жонка палітвязня сказала, што абмяркоўваць тут няма чаго.

«Я не сачу за яго выказваннямі. Мне толькі журналісты пра гэта і распавядаюць, калі задаюць такія пытанні. Не хацелася б гэтага моцна абмяркоўваць, скажу толькі адно: каб шукаць таемны сэнс у такога роду выказваннях, варта мець спецыяльную адукацыю. Таму гэта не мая справа.

Адзінае, што я магу сказаць - гэта тое, што калі было сказана так шмат слоў і там шмат разоў было падкрэслена, што Мікалай для яго не канкурэнт, то можа, як раз гэтая тэма яго і хвалюе, і не дае па начах спаць, палохае і ўсе гэтыя чатыры гады свідруе яго беднае слабае сэрцайка», - сказала жонка палітвязня.

У траўні 2011 года суд Ленінскага раёна Менска прыгаварыў Статкевіча да шасці гадоў пазбаўлення волі паводле абвінавачвання ў арганізацыі масавых беспарадкаў у дзень прэзідэнцкіх выбараў 19 снежня 2010 года. Першапачаткова апазіцыйны палітык утрымліваўся ў шклоўскай калоніі №17, аднак у студзені 2012 года яму зрабілі больш жорсткімі ўмовы адбыцця пакарання, перавёўшы на тры гады ў магілёўскую турму №4. Гэты тэрмін скончыўся 12 студзеня.

58-гадовы Мікалай Статкевіч - адзіны кандыдат у прэзідэнты Беларусі, які да гэтага часу знаходзіцца ў зняволенні.

Напісаць каментар 13

Таксама сачыце за акаўнтамі Charter97.org у сацыяльных сетках