Рэфат Чубараў: Ратуйце заходнюю цывілізацыю

Старшыня Меджліса крымскататарскага народа, народны дэпутат Рэфат Чубараў заклікае Захад дапамагчы Украіне вярнуць Крым.

Пра гэта ён заявіў падчас выступу на канферэнцыі «Правы чалавека ва ўмовах вайсковага канфлікту і рэформаў у сектары юстыцыі», піша УНІАН.

«Мы маленькі народ, нас усяго 300 тысяч у Крыме, таму мы гаворым заходняму свету: дапамажыце Украіне вярнуць Крым, ратуйце не крымскіх татараў, не крымскую тэрыторыю, ратуйце заходнюю цывілізацыю», - сказаў Чубараў.

Ён таксама адзначыў, што крымскія татары зыходзяць з таго, што ў цяперашняй сітуацыі Украіна ў першую чаргу як дзяржава, якой належыць гэтая тэрыторыя, павінна зрабіць усё для таго, каб крымская тэма не толькі не сыходзіла з парадку дня, але і была самай галоўнай. Ён таксама падкрэсліў, што Меджліс крымскататарскага народа просіць крымскіх татараў заставацца ў Крыме.

«Мы сёння гаворым нашым людзям: заставайцеся ў Крыме, нягледзячы ні на што. Будуць забіваць, але заставайцеся ў Крыме. Гэта - наша зямля, мы вярталіся шмат гадоў і ведаем, што калі цяпер пакінем гэтую зямлю, мы больш не вернемся», - дадаў Чубараў.