Леў Марголін: Стагнацыя беларускай эканомікі прадоўжыцца

Пры цяперашняй уладзе немагчымыя сур'ёзныя структурныя рэформы.

Пасля «выбараў» урад абяцаў парадаваць беларусаў праектам эканамічных рэформаў. Аднак эканаміст Леў Марголін не верыць у раптоўнае ператварэнне ўлады і, як следства, паляпшэнне сітуацыі ў эканоміцы. Зрэшты, як і МВФ, напярэдадні вызначыўся з прагнозам развіцця, а дакладней, падзення беларускай эканомікі. Так, на думку аналітыкаў фонду, ажыўленне эканомікі краіны магчымае (ды і то пры пэўных умовах) толькі праз 5 гадоў, піша ucpb.org.

Леў Марголін ў сваім меркаванні больш катэгарычны: «Я вельмі сумняваюся ў тым, што пры цяперашняй уладзе ўвогуле магчымыя якія-небудзь сур'ёзныя структурныя эканамічныя рэформы. Ёсць магчымасць невялікага паляпшэння паказчыкаў. І ў некаторых пазіцыях яны ёсць, але гэта адбываецца за кошт кансерватыўнага лячэння. Як гаворыцца, замест аперацыі лечым таблеткамі. Праводзіцца дастаткова жорсткая манетарная палітыка, таму трохі лепшыя, чым многія чакалі, паказчыкі інфляцыі, курса валюты, рахункі існых аперацый плацёжнага балансу. Але нават у гэтым пытанні існуе няпэўнасць. Восень пакажа, ці будуць ўлады прытрымлівацца такіх жа параметраў ці ўсё ж такі прамысловае лобі верне той курс, які мы бачылі ў папярэднія гады. Пакуль жа можна сказаць адназначна - калі рэформаў не будзе, стагнацыя прадоўжыцца».