У Беларусі вырасла шырокая грашовая маса

Сума гатовых грошай у абарачэнні за верасень вырасла да 15,1 трыльёнаў.

Шырокая грашовая маса ў Беларусі, якая ўключае гатовыя грошы ў абарачэнні, сродкі насельніцтва і прадпрыемстваў на рахунках у банках, на 1 кастрычніка перасягнула Br323,9 трлн, павялічыўшыся ў параўнанні з паказчыкам на 1 верасня на 0,5%. Такія звесткі змяшчаюцца ў статыстычнай справаздачы Нацыянальнага банка Беларусі, паведамляе БелТА.

Сума гатовых грошай у абарачэнні (грашовы агрэгат M0) за верасень вырасла да Br15,1 трлн, або на 2%.

Актыўная рублёвая грашовая маса - грашовы агрэгат M1, які ўключае гатовыя грошы ў абарачэнні і пераводныя дэпазіты ў нацыянальнай валюце (сродкі на бягучых рублёвых рахунках, уклады да запатрабавання ў рублях, іншыя рахункі ў рублях), - у верасні павялічылася на 4,7% і склала Br43,8 трлн.

Грашовы агрэгат М2 (грашовая маса ў нацыянальным вызначэнні), які ўключае агрэгат М1 і іншыя (тэрміновыя, умоўныя) дэпазіты ў нацыянальнай валюце, на 1 кастрычніка склаўся на ўзроўні Br94,4 трлн, павялічыўшыся за верасень на 2,8%.

Сума каштоўных папер, выдадзеных банкамі (па-за банкавым абарачэннем) у нацыянальнай валюце, за верасень скарацілася да Br1,6 трлн, або на 15,8%.

Рублёвая грашовая маса (грашовы агрэгат М2*), якая акрамя агрэгата М1 уключае іншыя (тэрміновыя, умоўныя) рублёвыя дэпазіты, сродкі насельніцтва і юрыдычных асоб у рублёвых каштоўных паперах, на 1 кастрычніка склала Br96 трлн і вырасла за верасень на 2,4%.