У Беларусі зноў растуць складскія запасы

Нягледзячы на падзенне тэмпаў прамысловай вытворчасці, у верасні складскія запасы ў Беларусі зноў выраслі.

На 1 кастрычніка 2015 года складскія запасы выраслі на 148 млрд рублёў з 33,756 трлн рублёў да 33,904 трлн, што складае 70,8% сярэднямесячнага аб'ёму прамысловай вытворчасці, паведамляе Нацыянальны статыстычны камітэт Рэспублікі Беларусь.

У жніўні складскія запасы скараціліся на Br1,21 трлн, з пачатку года выраслі на 1,224 трлн рублёў.

Эфект ад дэвальвацыі нацыянальнай валюты, якая адбылася ў жніўні гэтага года, не спрацаваў, «разгрузкі» складоў не адбылося.