29 сакавiка 2024, Пятніца, 11:10
Падтрымайце
сайт
Сім сім,
Хартыя 97!
Рубрыкі

Ландсбергіс: Лукашэнка можа знікнуць, калі паслухаецца Пуціна

12
Ландсбергіс: Лукашэнка можа знікнуць, калі паслухаецца Пуціна
ВІТАЎТАС ЛАНДСБЕРГІС

Паводле сукупнасці падпісаных дамоваў, Расея цалкам здольная выкарыстоўваць беларускае войска для агрэсіі супраць суседзяў.

Першы кіраўнік Літвы пасля абвяшчэння незалежнасці Вітаўтас Ландсбергіс распавёў «Радыё Свабода» аб магчымасцях уцягвання Беларусі ў вайсковыя канфлікты на баку Расеі.

- У Беларусі дзейнічае некалькі расейскіх вайсковых баз. Ці бачыць Літва ў іх пагрозу? Ці можна верыць Лукашэнкі?

- Мы ведаем болей. Не толькі аб базах, бо паміж Расеяй і Беларуссю ёсць розныя пагадненні і вызначаныя правілы суіснавання, і ў святле гэтых правілаў можна сказаць, што ёсць адзіная мілітарысцкая дзяржава. Бо мяжу Беларусі абслугоўваюць расейцы, расейскія войскі.

Яны распараджаюцца беларускімі вайсковымі сіламі, і могуць штурхнуць на каго-небудзь з суседзяў нават выключна беларускія падраздзяленні. Каб разыграць нейкіх там «зялёных» ці «стракатых» чалавечкаў. І сказаць: гэта не мы, гэта Беларусь. Ці разумее Беларусь і беларускі народ гэтую небяспеку - то што іх могуць падставіць і разыгрываць іхнімі рукамі, іхняй крывёю расейскую імперскую палітыку?

Вядома, Аляксандр Лукашэнка адмяжоўваецца ад вайны ва Украіне, і можа быць, яму і не загадаюць удзельнічаць. А калі загадаюць? Адважыцца ён не паслухацца і на наступны дзень знікнуць з абвесткі дня? Яго таксама могуць пачаставаць «гарбатай».

Напісаць каментар 12

Таксама сачыце за акаўнтамі Charter97.org у сацыяльных сетках