Расея перакідае ў Крым найноўшую зброю
- 4.10.2015, 13:25
- 14,889
Цэнтр далёкай касмічнай сувязі ў Крыме атрымаў пяць новых узораў ўзбраення і ў 2016 годзе пачне кіраваць спадарожнікамі.
Пра гэта паведаміў начальнік штаба 15-й войска ВКС (адмысловага прызначэння) Анатоль Несцечук, паведамляе РІА Новости.
«Ужо паставілі пяць новых узораў ўзбраення. Я думаю, што з наступнага года мы пачнем з Еўпаторыі сеансы кіравання касмічнымі апаратамі», - сказаў Несцечук.
Ён таксама адзначыў, што зрываў у выкананні планаў няма, і ўся сістэма наземнага кантролю гарантавана будзе замененая да 2020 года.
Адзначаецца, што пасля анэксіі Крыму на тэрыторыі навукова-даследчага комплексу, створанага ў 1978 годзе, быў створаны радыёастранамічны тэлескоп РТ-70. Таксама там знаходзіцца антэна для кіравання украінскім касмічным апаратам «Лебедзь».