На дне Сожа ў Гомелі знайшлі авіяцыйную бомбу

Нямецкую авіяцыйную бомбу часоў Вялікай Айчыннай вайны выявілі на дне ракі Сож паблізу цэнтральнага пляжу ў Гомелі.

Пра гэта паведамілі БелТА ў прэс-службе ўнутраных войскаў Міністэрства ўнутраных спраў Беларусі. Набой вагай 50 кг быў знойдзены падчас трэніровачных апусканняў супрацоўнікаў Беларускага рэспубліканскага таварыства выратавання на водах. Аб сваёй знаходцы вадалазы паведамілі ў Міністэрства надзвычайных сітуацыяў Беларусі і міліцыю, а таксама ўсталявалі папераджальныя буі і забяспечылі ахову тэрыторыі.

Авіяцыйную бомбу вывезла і абясшкодзіла сапёрна-піратэхнічная група вайсковай часці 5525. Пацярпелых няма.