Жыхар Севастопаля: «Цярпенне людзей закончыцца праз тыдзень»

Энэргетычная блакада Крыму прадоўжыцца. Як жывецца жыхарам акупаванай паўвыспы?

Прагледзеўшы некалькі крымскіх і расейскіх каналаў, можна зрабіць наступныя высновы. Тэзіс №1: «Так, цяжка, але мы прарвемся». Тэзіс №2 традыцыйны: «Нас ніхто не паставіць на калені». Тэзіс №3: «Войска і усе часткі Чарнаморскага флоту дакладна падлучаныя да генератараў. Значыць у іх са святлом усё ў парадку, значна менш парадку ў аб'ектах сацыяльнай інфраструктуры ». І тэзіс №4: «Крымскі хлебакамбінат павялічыў выпуск хлеба, бо ў дробных пякараняў няма магчымасці выпякаць хлеб».

Радыё «Крым.Рэаліі» звязалася з жыхаром паўвыспы, які распавёў пра тое, як жывецца без электрычнасці.

- Скажыце, як падаецца электрычнасць ў Севастопаль? Сказалі, што ў Чарнаморскага флоту і ўсіх частках усё з гэтым у парадку. Ці ў парадку ў мясцовых жыхароў?

- У мясцовых жыхароў нельга сказаць, што ўсё ў парадку, пры тым што электрычнасць падаецца на тры гадзіны, з перапынкам на шэсць гадзін. Гэта значыць, у адным з чатырох раёнаў горада электрычнасць ёсць тры гадзіны. Вось уласна і ўсё.

- Як людзі выжываюць? Калі ў цябе ёсць электрычнасць тры гадзіны, то гэта значыць, што прадукты ў тваёй лядоўні могуць сапсавацца?

- Ну, тры гадзіны ёсць святло, потым шэсць няма святла, потым зноў ёсць, стараюцца неяк, але наогул настрой у людзей не вельмі.

- Школы, крамы, дзіцячыя сады як працуюць або не працуюць, учора быў выходны абвешчаны?

- Сёння вучацца школьнікі 5-11 класаў, дзіцячыя сады пакуль не працуюць і не вучыцца малодшая школа.

- Як ацэньваюць жыхары Севастопаля гэтую энэргетычную блакаду і дзеянні тых, хто яе запусціў, тых, хто падарваў апоры?

- Рэч у тым, што тут сітуацыя розная: хтосьці вінаваціць украінскія ўлады, хтосьці - усіх на свеце, гэта значыць людзі проста ўзлаваныя.

- Як Вы думаеце, колькі людзі гатовыя трываць энэргетычную блакаду?

- Ну, мяркуючы з усяго, цярпенне людзей скончыцца праз тыдзень.

- А цяпер пра пазіцыю расейскай улады. Крымскі «пракурор» Наталля Паклонская распачала крымінальную справу ў дачыненні да неўсталяванай колькасці асоб паводле артыкула «Тэракт». Расейскі «кіраўнік» Крыма Сяргей Аксёнаў таксама назваў крымскае адключэнне наступствам тэракту:

«Мы падрыхтаваліся адпаведным чынам, у нас ёсць цяпер сонечная генерацыя, ветравая генерацыя, цеплавая, мабільныя дызельныя генератарныя ўстаноўкі забяспечваюць на 30% Крым. Гэта ўсё сацыяльна значныя аб'екты, бальніцы, школы. Аб'екты цяпло-водазабеспячэння працуюць у штатным рэжыме, працуе аэрапорт, транспартная інфраструктура».