Ліянэль Мэсі: За «Залаты мяч» будуць змагацца Суарэс, Нэймар і я
4- 26.11.2015, 14:29
- 6,148
Нападнік «Барселоны» распавёў, хто павінен быць сярод прэтэндэнтаў на атрыманне «Залатога мяча».
Словы Ліянэля Мэсі прыводзіць «Прессбол».
- Спадзяюся, што ў выніку за тытул будуць змагацца Луіс Суарэс, Нэймар і я, - заявіў футбаліст. - Маё аднаўленне пасля траўмы зацягнулася. Я вельмі хацеў гуляць. Аднак пры гэтым я атрымліваў асалоду ад гульні каманды з боку.
Цяпер я ў парадку, набіраю форму і ўпэўненасць. Так адбываецца заўсёды пасля траўмы. Вельмі задаволены, як правёў 90 хвілін у сустрэчы з «Ромай».