Падаткавікі - прадпрымальнікам: Застаўся адзін месяц

Міністэрства падаткаў і збораў нагадвае ІП, што рэалізацыя тавараў, уключаных у вопіс рэшткаў, заканчваецца 31 снежня 2015 года.

Пра гэта гаворыцца ў паведамленні прэс-службы МПЗ, піша "Інтэрфакс".

"Знаходжанне з 1 студзеня 2016 года рэшткаў нерэалізаваных тавараў, уключаных у вопіс, у гандлёвым аб'екце, гандлёвым аб'екце грамадскага харчавання, гандлёвым месцы на рынку, месцы захоўвання, што выкарыстоўваецца у прадпрымальніцкай дзейнасці, не дапускаецца. Такім чынам, у інтарэсах кожнага прадпрымальніка як мага хутчэй рэалізаваць рэшткі тавараў найбольш прымальным для яго спосабам", - гаворыцца ў паведамленні.

У міністэрстве падкрэслілі, што індывідуальныя прадпрымальнікі, якія так і не змогуць рэалізаваць тавары, уключаныя ў вопіс рэшткаў, з 1 студзеня 2016 абавязаны вывесці іх з прадпрымальніцкага абарачэння. "Рэшткі канфіскаваных з прадпрымальніцкага абароту тавараў могуць выкарыстоўвацца выключна ў мэтах асабістага, хатняга, сямейнага спажывання, не звязанага з прадпрымальніцкай дзейнасцю", - адзначылі ў прэс-службе.

З 1 ліпеня 2014 года ў Беларусі для ІП - плацельшчыкаў адзінага падатку указам N222 уведзены абавязак мець суправаджальныя дакументы на ўвозныя ў Беларусь тавары, у тым ліку і з краін Мытнага саюза. Да 1 студзеня 2016 года ім дадзенае права рэалізаваць рэшткі тавараў, увезеных да 1 ліпеня 2014 года ў Беларусь без суправаджальных дакументаў, зарэгістраваных у падатковых органах вопісах рэшткаў.