Пасла Расеі выклікалі ў МЗС Турцыі
4- 26.11.2015, 20:43
- 26,578
Пасла Расеі ў Анкары выклікалі ў міністэрства замежных спраў Турцыі.
Пра гэта гаворыцца ў заяве турэцкага МЗС, якую падае РІА «Новости».
Гэта звязана з акцыямі пратэсту ля турэцкіх дыпмісій у Расеі.
26 лістапада ў Санкт-Пецярбургу ля генконсульства Турцыі былі затрыманыя пяць прадстаўнікоў «Другой России». Актывісты закідалі будынак яйкамі і аблілі фарбай. Затым яны запалілі фаеры і дымавыя шашкі. Акцыя доўжылася блізу 15 хвілін.
25 лістапада ў пасольстве Турцыі ў РФ заявілі, што невядомыя ўчынілі напад на дыпламатычную ўстанову. «Дэманстранты ля амбасады закідалі будынак камянямі. Шыбы другога і трэцяга паверхаў амбасады разбітыя, камяні патрапілі ў офісы супрацоўнікаў», - паведаміў агенцтву прэс-сакратар амбасады Турэцкай Рэспублікі ў Маскве Архан Газыгіль.