Новыя падрабязнасці жыцця Шэкспіра адкрытыя брытанскімі гісторыкамі

Ангельскія археолагі кажуць, што раскопкі на месцы разбуранага дома Уільяма Шэкспіра могуць праліць святло на некаторыя абставіны ягонага жыцця.

Яны высветлілі, што ў рэзідэнцыі «Нью Плейс» у Стратфорд-апон-Эйвоне, апошнім месцы жыхарства драматурга, было 20 пакояў. Сярод іх была вялікая кухня і бровар. Гэта сведчыць, на думку экспэртаў, аб высокім статусе ўладальніка дома, паведамляе руская служба BBC.

Прадстаўнік грамадства Shakespeare Birthplace Trust Пол Эдмандсон сказаў, што сам Шэкспір быў падобны на чалавека, які аддаваў перавагу жыць удалечыні ад сталіцы, а ў Лондан ездзіў па справах.

З яго слоў, любая з апошніх 26 п'ес магла быць напісана ў гэтым доме, у якім ён пражыў з 1597 года і да канца жыцця ў 1616 годзе.

Будынак быў разбураны ў 1759 годзе яго тагачасным уладальнікам, якому не падабалася ўвага да дома з боку прыхільнікаў Шэкспіра.