Фатограф патраціў 6 гадоў, каб зрабіць здымак сваёй мары
8- 28.11.2015, 10:38
- 70,391
Фатограф дзікай прыроды з Шатландыі Алан МакФэд’ен нарэшце здолеў злавіць той самы ідэальны кадр, за якім паляваў доўгія 6 гадоў.
Ён марыў зрабіць фатаздымак зімародка, які нырае ў ваду без усплёскаў. Для гэтага Алан прыходзіў на адно і тое ж дзікае возера па некалькі разоў на тыдзень (у сярэднім 100 дзён у годзе) і ўпарта фатаграфаваў птушак, паведамляе AdMe.ru.
Любоў да прыроды Алану перадаў ягоны дзядуля. 40 гадоў таму, калі ўнуку было 6 гадоў, ён паказаў яму возера, дзе гняздуюцца зімародкі. Калі МакФэд’ен вырас і стаў фатографам, ён адправіўся на тое самае месца, каб захаваць прыгажосць і спрыт гэтых птушак. Ён зняў 720 тысяч кадраў, пакуль не атрымаўся ідэальны здымак. Вось ён:
«Я хацеў зрабіць такое фота, на якім зімародак разразае люстраную роўнядзь вады сапраўды і без адзінага ўсплёску».
«У дзяцінстве я проста закахаўся ў гэтых юркіх птушачак - выдатных рыбакоў, і мне хацелася паказаць іх ва ўсёй красе».
«Для здымка не толькі я павінен быў злавіць патрэбны момант, але і зімародак павінен быў выканаць усё бездакорна».
«Я здымаў па 600 кадраў за дзень, але ні адзін з іх не здаваўся мне дасканалым».
«Я ні разу не пашкадаваў, што выдаткаваў столькі часу, - бо я люблю сваю працу. Я ганаруся тым, што мне атрымалася нарэшце выканаць сваю задуму», - кажа Алан.