Лілія Шаўцова: Украіна ўжо перамагла - і ў Крыме, і на Данбасе

Параза Крамля заключаецца ў тым, што Пуцін страціў Украіну як дзяржаву.

Такое меркаванне выказала расейская палітолаг Лілія Шаўцова, паведамляе "Апостроф".

"Параза Крамля заключаецца ў тым, што Пуцін страціў Украіну як дзяржаву. Таму што асноўная мега-мэта Масквы складалася ў тым, каб затрымаць рух Кіева ў Еўропу. Украіны як дзяржавы, як цэласнасці, як нацыі. І прадухіліць ператварэнне Ўкраіны ў нацыю, захаваць краіну ў шэрай зоне", - заявіла яна.

На думку палітолага, у гэтым балоце Украіна "валтузілася апошнія 20 гадоў: ні туды, ні сюды".

"Захаваць Украіну ў "фінляндызацыі". Як частка расейскага цела і расейскай дзяржаўнасці. Гэта была асноўная мэта Крамля. Але тут не трэба ўсё зводзіць да Пуціна, ягоных амбіцый, ментальнасці і гэтак далей. Пуцін - функцыя расейскай сістэмы, прадстаўленай палітычным класам, бізнесам , лібераламі, якія спатыкнуліся. Большасць з іх не вытрымалі выпрабаванне Украінай. Таму гэтая мега-мэта правалілася. Пуцін пацярпеў паразу. Гэта першае", - падкрэсліла экспэртка.

Акрамя таго, што тычыцца перамогі ў бітве за Крым, то і тут расейцы саступілі: "Крым - гэта цяжкае ярмо, цяжар на расейскім бюджэце".

"Крым яму не патрэбен, ён забыўся аб паўвыспе, не цікавіцца ім. Цяпер у расейскай прэсе і на тэлебачанні кажуць аб Крыме толькі з сумам, адчаем і без цікавасці. Значна скараціліся аб'ёмы расейскіх капіталаўкладанняў у паўвыспу. Ну, пабудуюць гэты энэргамост, таму што дзецца няма куды. І ўсё. Крым Расеі не патрэбны", - перакананая Шаўцова.

На ейную думку, аналагічна ідзе сітуацыя і з Данбасам.

"Пуцін робіць усё, у тым ліку складаючы "Менск-1" і "Менск-2", прымушае Мэркель і Аланда мітусіцца, - толькі б засунуць Данбас унутр Украіны. Любым коштам. Але добра было б, каб з "гэтымі" (тэрарыстамі "ДНР" і "ЛНР"- Рэд.) і добра б, каб у якасці заразнай масы. Але ні ў якім разе Данбас не патрэбны Расеі. Хутка мы паставім памежныя атрады на мяжы з Украінай, каб не пускаць назад так званых абаронцаў тэрарыстычных анклаваў. Ідэя з "Новороссией" (якая прадугледжвала захоп поўдня і ўсходу Украіны - Рэд.) таксама загнулася", - мяркуе палітолаг.

У той жа час, Шаўцова дадала, што многія праблемы Украіны - "так, гэта праз віну Расеі".

"У прынцыпе, яна іх паступова будзе развязваць, у той ці іншай меры. А вектар Украіны, нягледзячы на ўсе праблемы, ужо пазначаны. Пасля тысяч забітых і параненых, мільёна перасяленцаў з Данбаса Украіна наўрад ці вернецца ў расейскі кішэню. Таму гэта з'яўляецца поўнай і безумоўнай паразай Крамля ва Украіне", - рэзюмавала экспэртка.