Афіцэр Пентагона: Мы дапаможам пераможаным расейцам ежай, медыцынай і тэхналогіямі

А капітуляцыю Крамля падпісваць не будзе каму.

Аб гэтым піша афіцэр Пентагона, нашчадак савецкіх эмігрантаў Давід Джубэрг на сваёй старонцы ў сацыяльнай сетцы «Фэйсбук». Свой запіс ён суправаджае вельмі наглядным інфаграфікам, які дэманструе суадносіны сіл РФ і NATO.

«Неаднаразова прасілі напісаць мой прагноз патэнцыйнай вайны РФ з NATO. Пішу толькі пра тое што ёсць у публічных крыніцах. У Пентагоне, дзе я сёння працую, ёсць распрацоўкі планаў вайны з усімі краінамі свету, але больш дэталёвыя планы вайны з нестабільнымі і агрэсіўнымі рэжымамі. Гэтыя планы старанна складаюцца і пастаянна карэктуюцца, часам з маім удзелам.

Патэнцыйна вайна з Расеяй не будзе падобная на вайну з Іракам у 2003 годзе. Хоць у РФ прыкладна той жа аб’ём войска і той жа ўзровень тэхналагічнага развіцця. Толькі ў Іраку было дысцыплінаванае і дасведчанае войска. І не было п'янства і крадзяжу», - адзначае ён.

Давід Джубэрг адзначае, што вайсковая справа магутна ўступіла ў будучае за апошнія 25 гадоў. Войны выйграюцца не жаўнерамі, не танкамі і не самалётамі.

«Вось кароткі сцэнар вайны Расеі без хаўруснікаў (Кітай - ваш канкурэнт а не хаўруснік) супраць 28 краін NATO. Гэта вайна 2% ад сусветнага УБП супраць 50% сусветнага УБП, - піша ён. - Гадавы вайсковы бюджэт $80 мільярдаў РФ супраць $800 мільярдаў NATO. Вінтоўка супраць лазера.

Нават калі Пуцін адважыцца на ядзерны ўдар (я мяркую ён адважыцца), і нават калі палова савецкіх ракет узляцяць, ЗША выдатна абаронены СРА. Адзіная рызыка, падводная лодка побач з межамі, і то мы мяркуем што мы паспеем перахапіць. У адказ ядзернага ўдару не будзе, ёсць больш гуманныя шляхі хутка скончыць вайну.

Спачатку прыляцяць бамбавікі невідзімкі (B-2 STEALTH), разбамбяць вайсковыя аб’екты і заводы. Прыляцяць новыя электра-магнітныя Дроны ЧАМР (CHAMP) і назаўжды пульсам выключаць усё электроннае ў найбуйнейшых гарадах. Усё, сардэчна запрашаем у сярэднявечча. Хеўра Пуціна альбо збяжыць (КНДР, Іран, Сірыя, Венесуэла) або як пацукі будуць хавацца ў бункерах. Уся вайна з Расеяй будзе доўжыцца 10-20 дзён пасля першых удараў NATO. Жаўнераў NATO ніхто да капітуляцыі РФ не ўбачаць. Адно пытанне Пентагон вельмі хвалюе, хто будзе падпісваць дамову аб капітуляцыі?»

Пасля вайны, са слоў Давіда Джубэрга, NATO прызначыць афіцэраў часовымі чыноўнікамі і кіраўнікамі. Усіх старых «слуг народа» аддадуць пад суд або люстрацыю. Карупцыі пад нашым кіраваннем не будзе.

«Мы дапаможам пераможаным расейцам ежай, медыцынай, інфраструктурай і тэхналогіямі, - піша ён. - Выведзем вашу краіну ў 21 стагоддзе. Пасля таго як раззамбуем большую частку насельніцтва Расеі, прыкладна праз год-два, дапаможам арганізаваць сумленныя выбары.

Пасля выбараў легітымнага ўрада РФ мы вам пакінем прыкладна тысячу дарадцаў, каб б дапамагаць і не дапусціць да ўлады наступнага Пуціна ці Сталіна. Яны дапамогуць правільна развіваць інфраструктуру, войска, паліцыю, дзяржаўныя інстытуты. Калі вы гатовыя самі кіраваць, мы пакінем вашу краіну і ў будучыні мы будзем хаўруснікамі і партнёрамі. Зробім гэтак жа як мы зрабілі з Італіяй, Нямеччынай, Японіяй, Карэяй, Панамай і Афганістанам, з Іракам і Лівіяй не атрымалася. І тады ўвесь свет будзе сябраваць з мірнай і багатай Расеяй. Багатай краінай станеце, калі за вайну з NATO, ЮКАС, Украіну і МН17 разлічыцеся».