Польскія НПЗ могуць адмовіцца ад нафты Расеі
2- 30.11.2015, 20:20
- 13,930
У Польшчы нафтаперапрацоўчыя кампаніі пазбаўляюцца ад сыравіннай залежнасці ад Расеі.
Дагэтуль 91% усёй сыравіны, што перапрацоўваецца на НПЗ, паступала з РФ. Аднак цяпер прадпрыемствы імкнуцца правесці дыверсіфікацыю паставак.
Пра гэта паведамляе "Польскае радыё" са спасылкай на бізнэс-выданне Dziennik Gazeta Prawna.
Тэхнічна польскія перапрацоўчыя заводы здольныя апрацоўваць нават самыя жорсткія гатункі нафты з Канады. І гэта дае магчымасць дыверсіфікацыі імпарту, піша ZN.ua.
У канцы гэтага года ў польскай кампаніі Orlen заканчваецца кантракт з "Роснефть", якая пастаўляла нафту ў Польшчу праз нафтаправод "Дружба". Таму канцэрн разглядае прапановы іншых прадаўцоў сыравіны. Сярод іншага, існуе тэхнічная магчымасць пастаўляць нафту праз порт у Гданьску з краін Блізкага Усходу, якія прапануюць больш нізкі кошт сыравіны, чым Расея.
У Маскве заяўляюць, што блізкаўсходнія прадаўцы "дэмпінгуюць". Але ва ўсякім выпадку польскія НПЗ у выгадным становішчы, бо нават на перамовах з Расеяй яны цяпер маюць моцны аргумент.
Адмова ад расейскіх энэрганосьбітаў апошнім часам стала трэндам ва Усходняй Еўропе. Раней паведамлялася, што Літва мерыцца адмовіцца ад газу Расеі. Паводле пяцігадовага пагаднення з нарвэжскай кампаніяй Statoil, літоўскі Litgas мерыцца купляць 540 мільёнаў кубамэтраў газу з Нарвэгіі штогод. У 2016 годзе Вільня спадзяецца, што попыт на такі тып паліва ў краіне скароціцца на траціну праз усё больш шырокае выкарыстанне біямасы ў якасці паліва.