Падаткавікі: За дарагія падарункі ад жаніхоў трэба плаціць падатак

У Беларусі жанчынам, якія атрымліваюць дарагія падарункі ад жаніхоў, трэба будзе заплаціць падатак.

У адпаведнасці з заканадаўствам жаніх не з'яўляецца мужам або блізкім сваяком. Пра гэта паведаміў начальнік управы падаткаабкладання грамадзян, дэкларавання даходаў і маёмасці Міністэрства падаткаў і збораў Андрэй Кавалеўскі, адказваючы на пытанні наведвальнікаў інтэрнэт-рэсурсу Onliner.by. Інфармацыя таксама размешчаная на сайце МПЗ.

Як адзначыў прадстаўнік падатковага ўстановы, даходы ў грашовай і натуральнай формах (кватэра, аўтамабіль і гэтак далей), якія атрыманы як падарункі ад блізкіх сваякоў (у тым ліку жонка), не абкладаюцца падаходным падаткам з фізічных асоб незалежна ад іх кошту. Такія даходы не падпадаюць пад падаткаабкладанне, і падачу падатковай дэкларацыі (разліку) для падаходнага падатку не патрабуюць. Пры неабходнасці ў падатковы орган падаюцца дакументы, якія пацвярджаюць блізкае сваяцтва, напрыклад пасведчанне аб шлюбе. Факт атрымання ў спадчыну таксама могуць папрасіць пацвердзіць дакументамі.

Разам з тым за падарункі ад жаніха падатак заплаціць давядзецца, бо ў адпаведнасці з заканадаўствам ён не з'яўляецца мужам або блізкім сваяком. Аднак у 2015 годзе падатак трэба будзе заплаціць, толькі калі сумы падарунка ад асоб, якія не знаходзяцца ў сваяцтве, будуць перасягаць 43 660 000 беларускіх рублёў цягам года.

Як патлумачыў Андрэй Аляксандравіч, у гэтым выпадку ўсе падарункі падсумоўваюцца, а падатак налічваецца на перавышэнне. Гэта значыць, да прыкладу, вам падарылі 50 млн рублёў. Адымаем з гэтай сумы 43 660 000 - застаецца 6 340 000. Падаходны падатак 13% трэба будзе плаціць менавіта з гэтай сумы. - Рэд.