У Менску адбыўся прэм'ерны паказ фільма «ГараШ»

7 лістапада ў менскім кінатэатры «Победа» адбылася прэм'ера фільма «ГараШ» рэжысёра Андрэя Курэйчыка.

Стужка была паказаная ў межах кінафестывалю «Лістапад». На прэм'еру сабраўся аншлаг. Таксама, са слоў Андрэя Курэйчыка, раскупленыя білеты і на тыя два сеансы 11 і 12 лістапада, што засталіся, інфармуе БелаПАН.

Фільм «ГараШ» адметны маленькім бюджэтам (каля 5000 даляраў), а таксама тым, што ў ім здымаліся непрафесійныя акцёры. У прыватнасці, лідар гурта «Нейра Дзюбель» Аляксандр Кулінковіч.