Апублікаваны поўны спіс турэцкіх тавараў, якія трапілі пад санкцыі ў Расеі
22- 1.12.2015, 17:10
- 14,499
Пад забарону папала ў тым ліку і соль з Турцыі.
Урад Расеі вызначыў поўны спіс турэцкіх тавараў, імпарт якіх у Расею абмежаваны або забаронены. Пастанову, у якой ёсць і пералік ўсіх тавараў, у аўторак, 1 снежня, падпісаў прэм'ер-міністр Дзмітрый Мядзведзеў, паведамляе «Дождж».
У спіс увайшлі:
Часткі тушак і субпрадукты курэй хатніх (замарожаныя)
Часткі тушак і субпрадукты індычак (замарожаныя)
Гваздзікі (свежыя)
Таматы (свежыя або астуджаныя)
Цыбуля рэпчатая і цыбуля шалот (свежая або астуджаная)
Кветкавая капуста і брокалі (свежая або астуджаная)
Агуркі і карнішоны (свежыя або астуджаныя)
Апельсіны (свежыя або сушаныя)
Мандарыны, клеменціны і аналагічныя гібрыды цытрусавых (свежыя або сушаныя)
Вінаград (свежы)
Яблыкі (свежыя)
Грушы (свежыя)
Абрыкосы (свежыя)
Персікі і нектарыны (свежыя)
Слівы і цёрн (свежыя)
Суніцы і клубніцы (свежыя)
Соль і хларыд натрыю
Нагадаем, што ўказ ўраду РФ падрыхтаваць пералік забароненых да імпарту ў Расею турэцкіх тавараў Уладзімір Пуцін падпісаў 29 лістапада ў адказ на знішчэнне ВПС Турцыі расейскага вайсковага самалёта Су-24, які ўварваўся ў паветраную прастору краіны.