Актору Уладзіміру Зельдзіну споўнілася 100 гадоў
19- 10.02.2015, 15:40
- 18,272
Вядомы актор тэатра і кіно, народны артыст СССР Уладзімір Зельдзін адзначае 100 гадоў з дня нараджэння.
Уладзімір Зельдзін нарадзіўся ў Тамбоўскай вобласці. Сваю творчую дзейнасць ён пачаў у 1930-я гады: у 1935 годзе ён скончыў Вытворча-тэатральныя майстэрні пры тэатры МАСПС (цяпер Тэатр імя Массавета), а затым быў прыняты ў маскоўскі Тэатр транспарту (цяпер "Гогаль-цэнтр"), паведамляе BBC.
У кіно Зельдзін дэбютаваў у 1939 годзе ў стужцы Рыгора Рашаля "Сям'я Опенгейма", але вядомасць атрымаў, калі зняўся ў 1941 годзе ў галоўнай ролі ў фільме Івана Пыр’ева "Свінарка і пастух".
Цяпер актор працягвае працу ў Тэатры расейскага войска ў Маскве, куды прыйшоў амаль 70 гадоў таму.
Імя Уладзіміра Зельдзіна занесенае ў Кнігу рэкордаў Гінеса, як адзінага ў свеце артыста, які выходзіць на сцэну ў такім шаноўным узросце.