Дмытро Тымчук: Расейскія вайскоўцы вядуць абстрэлы з усіх тыпаў узбраенняў

Расея і тэрарысты груба парушаюць рэжым спынення агню на Данбасе.

Пра гэта вайсковы экспэрт і дэпутат Вярхоўнай Рады ад «Народнага фронту» Дмытро Тымчук напісаў у «Фэйсбуку».

«Паводле аператыўных звестак групы «Інфармацыйны Супраціў», расейска-тэрарыстычныя войскі далей груба парушаць умовы Менскіх дамоўленасцей што да спынення агню.

Тэрарысты, расейскія найміты і вайскоўцы РФ вядуць абстрэлы пазіцый украінскіх войскаў і цывільных аб'ектаў фактычна з усіх тыпаў узбраення - стралковага, рулевая артылерыі, рэактыўных сістэм залпавага агню. Робяцца спробы нападаў з боку супраціўнікаў.

Найбольш актыўна супраціўнік вядзе абстрэлы на Дэбальцаўскім кірунку. Так, з 00.00 да 15.00 (15.02.2015) на гэтым кірунку зафіксавана 42 абстрэлы:

- 16 - з мінамётаў (раёны н.п.Залатое, Чарнухіна, Луганскае, Каменка, Дэбальцава, Альхаватка, Горскае);

- 4 - са стралковай зброі і гранатамётаў (раёны н.п.Санжароўка, Чарнухіна);

- 11 - з рулевай артылерыі (Папасная, Залатое, Чарнухіна, Санжароўка, Ніжняя Лазавая, Дэбальцава, Міус (артабстрэл доўжыўся 3 гадзіны 35 хвілін), Луганскае);

- 5 - з танкаў (Чарнухіна, Дэбальцава);

- 6 - з РСЗА (Дэбальцава, Чарнухіна, Санжароўка)», - піша ён.

Акрамя таго, на Дэбальцаўскім кірунку за гэты перыяд часу супраціўнік зрабіў 4 спробы наступу, атакаваўшы пазіцыі ўкраінскіх войскаў у раёне н.п. Чарнухіна.

«Менш напружаная сітуацыя на Данецкім і Луганскім кірунках, дзе расейска-тэрарыстычныя войскі таксама груба парушаюць рэжым спынення агню.

Так, у раёне н.п. Данецк з 00.00 да 15.00 (15.02.2015) зафіксавана 3 абстрэлы пазіцый украінскіх войскаў (1 - са стралковай зброі і гранатамётаў у раёне ДАП, 1 - са стралковай зброі ў раёне н.п. Пяскі, 1 - артылерыйскі ўдар у раёне н.п. Вопытнае).

Акрамя таго, зафіксавана 2 абстрэлы баевікамі «ДНР» і наймітамі РФ цывільных аб'ектаў у н.п. Донецк (8.25 і 15.10 - мінамётныя абстрэлы кварталаў горада). Таксама тэрарысты «ДНР» нанеслі ўдары па цывільных аб'ектах ля н.п. Папасная а 00.15 з РСЗА. Ва ўсіх трох выпадках удары зробленыя па раёнах, дзе няма пазіцый украінскіх войскаў.

На Луганскім кірунку зафіксавана 8 абстрэлаў (3 з мінамётаў - у раёне н.п.Ташкоўка і Новаташкоўскае, 4 абстрэлы са стралковай зброі ў раёне н.п. Шчасце, Новаташкоўскае, Жалабок, 1 раз з РСЗА).

На Марыупальскім кірунку зафіксавана актыўнае правядзенне супраціўнікам паветранай выведкі. У раёне н.п. Саханка зафіксаваны агонь з танкаў расейска-тэрарыстычных войскаў», - адзначае Дмытро Тымчук.

Нагадаем, сёння прэзідэнт Украіны Пятро Парашэнка аддаў загад аб спыненні агню ў зоне антытэрарыстычнай аперацыі. Загад аддадзены Узброеным сілам, Нацыянальнай гвардыі, падраздзяленням памежнай службы, МУС, СБУ.

Кіраўнік дзяржавы падкрэсліў, што Украіна разлічвае на адказнае стаўленне супрацьлеглага боку да выканання сваіх абавязанняў, бо перамовы выйшлі на самы высокі ўзровень.