Пiнск памятае

Жыхарам райцэнтра Берасцейскай вобласці нагадалі аб ахвярах рэжыму Лукашэнкі.

Улёткі з партрэтамі Віктара Ганчара, Анатоля Красоўскага, Юрыя Захаранкі і Дзмітрыя Завадскага расклееныя ў цэнтры горада ў Дзень салідарнасці. Таксама ў іх размешчаная інфармацыя пра абставіны знікнення апазіцыйных палітыкаў і грамадскіх дзеячаў.

Нагадаем, 16 чысла кожнага месяца з'яўляецца Днём Салідарнасці з беларускімі палітвязнямі, а таксама зніклымі палітыкамі і грамадскімі дзеячамі. Акцыі ў гэты дзень традыцыйна праходзяць у Беларусі, а таксама - у шматлікіх краінах свету.