Парашэнка, Мэркель і Аланд абмеркавалі Дэбальцава

Лідары трох краін падчас тэлефоннай размовы выказалі занепакоенасць парушэннем перамір'я ў Данбасе.

Прэзідэнт Францыі Франсуа Аланд, канцлерка Нямеччыны Ангела Мэркель і прэзідэнт Украіны Пятро Парашэнка абмеркавалі сітуацыю ў раёне Дэбальцава. Пра гэта паведамляе AFP са спасылкай на офіс прэзідэнта Францыі, піша «Украінская праўда».

Лідары трох краін падчас тэлефоннай размовы выказалі занепакоенасць тым, што баі вакол Дэбальцава прадаўжаюцца.

Яны таксама выказаліся за забеспячэнне свабоднага доступу назіральнікаў АБСЕ, каб гэтая місія магла назіраць на месцах (у зоне АТА) і забяспечваць выкананне пагаднення аб спыненні агню.