Месі ўстанавіў чарговы рэкорд, абагнаўшы легендарнага Луіша Фігу
- 17.02.2015, 11:18
- 6,643
15 лютага 27-гадовы аргентынскі нападнік зноў увайшоў у гісторыю ў хатнім матчы Барселоны супраць Левантэ.
Галявы пас Ліянэля Месі на Неймар на 17-й хвіліне сустрэчы не толькі паклаў пачатак разгрому гасцей, але і стаў 106-м для аргентынца за ўсю гісторыю выступленняў у гішпанскім чэмпіянаце, піша sport.bigmir.net.
З гэтым паказчыкам Месі абагнаў Луіша Фігу (105 галявых перадач) і стаў лепшым асістэнтам ў гісторыі гішпанскага першынства за апошнія 25 гадоў.
Сама сустрэча 23-га тура чэмпіянату Гішпаніі паміж Барселонай і Левантэ завяршылася з разгромным лікам 5:0 на карысць гаспадароў. Акрамя галявога паса аргентынец таксама адзначыўся хет-трыкам.
Усяго ў гэтым сезоне гішпанскага чэмпіянату Ліянэль Месі забіў 26 галоў і аддаў 16 галявых перадач.
Фота: Reuters