У цэнтры Менска абмяжуюць рух транспарту

У цэнтры Менска 18 лютага з 21.00 да 22.00 часова будзе абмежаваны рух транспарту.

Пра гэта паведамілі БелТА ў дзяржаўным прадпрыемстве «Мінсктранс».

У сувязі з правядзеннем трэніровак зводнай роты ганаровай варты і часовым абмежаваннем руху транспартных сродкаў на плошчы Перамогі з 21.00 да 22.00 18 лютага рух аўтобусаў гарадскіх маршрутаў №№100, 115Э арганізуецца па пр. Незалежнасці, вул. Свярдлова, Ульянаўскай, Першамайскай, З.Бядулі, Казлова, пр. Незалежнасці ў абодвух кірунках без выканання прыпыначных пунктаў на змененым участку.

Аўтобусы маршруту №№18, 26 пройдуць па вул. Захарава, Першамайскай, З.Бядулі, Казлова, пр. Машэрава ў абодвух напрамках з выкананнем на змененым участку ПП «пр. Незалежнасці» ў напрамку пас. Навінкі, «Казлова» ў напрамку ДС Усходняя.

Рух аўтобусаў прыгараднага маршруту №300Э ад АВ Цэнтральны арганізуецца па вул. Бабруйскай, Ульянаўскай, Першамайскай, З.Бядулі, Казлова, пр. Незалежнасці і далей па маршруце, у зваротным кірунку - па пр. Незалежнасці, вул. Казлова, З.Бядулі, Першамайскай, Ульянаўскай, Свярдлова, пр. Незалежнасці, вул. Бабруйскай.