Паліцыя Варшавы шукала бомбы ў 11 адміністрацыйных будынках
1- 17.02.2015, 15:25
- 4,093
Сёння раніцай 11 публічных інстытутаў у Варшаве атрымалі ананімныя лісты з папярэджаннем аб мінаванні.
Аб гэтым піша партал WP.pl.
- Цяпер піратэхнічныя службы правяраюць будынкі гэтых інстытутаў, пакуль няма патрэбы ў эвакуацыі - запэўніў прэс-сакратар паліцыі сталіцы Польшчы.
Ананімныя паведамленні аб выбуховых рэчывах былі адпраўленыя ў Міністэрства эканомікі, культуры і нацыянальнай спадчыны, у Міністэрства тэлекамунікацыі і ў Мытную службу.
Гэта не першая такая сітуацыя. Такія інцыдэнты былі ў студзені гэтага і ў кастрычніку мінулага гадоў. Тады ананімныя паведамленні аб выбуховых матэрыялах атрымалі пракуратуры, суды і некаторыя міністэрствы. Пакуль усе гэтыя засцярогі выявіліся фальшывымі.