Парашэнка падпісаў указ аб тэрмінах мабілізацыі

У 2015 годзе наборы на тэрміновую вайсковую службу пройдуць у красавіку - траўні і кастрычніку - лістападзе.

Адпаведны ўказ падпісаў прэзідэнт Пятро Парашэнка, інфармуе ў аўторак прэс-служба кіраўніка дзяржавы, піша Украінская праўда.

На тэрміновую вайсковую службу набяруць прыдатных паводле стану здароўя да вайсковай службы ў мірны час грамадзян Украіны мужчынскага полу, якім да дня адпраўлення ў вайсковыя часткі споўнілася 20 гадоў, і старэйшых асоб, якія не дасягнулі 27-гадовага ўзросту і якія не маюць права на вызваленне або адтэрміноўку ад набору на тэрміновую вайсковую службу.

Кабінету міністраў даручана вызначыць колькасць грамадзян, якія падлягаюць набору на тэрміновую вайсковую службу, а таксама сумы выдаткаў для правядзення чарговых набораў у 2015 годзе.

Акрамя гэтага, указ прадугледжвае звальненне ў красавіку - траўні 2015 года ў запас з Узброеных Сіл Украіны, іншых вайсковых фармаванняў Украіны, Дзяржаўнай спецыяльнай службы транспарту вайскоўцаў, якія адслужылі ўстаноўленыя тэрміны тэрміновай вайсковай службы.