Дырэктар ФСБ у Вашынгтоне: аглядальнікі губляюцца ў здагадках
4- 19.02.2015, 11:39
- 31,578
У Вашынгтоне знаходзіцца дырэктар ФСБ Расеі Аляксандр Бортнікаў.
Пра гэта паведамляе выданне The Washington Times.
Расейскія СМІ паведамляюць, што Бортнікаў прыбывае ў Вашынгтон на запрашэнне амерыканскага боку для ўдзелу ў саміце аб супрацьдзеянні гвалтоўнаму экстрэмізму, які праводзіцца Дзяржаўным дэпартаментам ЗША пад эгідай прэзідэнта, паведамляе «Голос Америки».
Між тым, са слоў прэс-сакратаркі Дзярждэпу Джэн Псакі, у склад расейскай дэлегацыі Бортнікаў быў унесены толькі ўчора.
Як паведамляецца, удзел Бортнікава ў саміце не планаваўся загадзя, а візу для яго рыхтавалі ў экстраным парадку.
Of note: Last night Russia told the US that it would send intel chief Alexander Bortnikov to WH counterterror summit. He's FSB director.
— margaret brennan (@margbrennan) 18 февраля 2015
Характэрна, што Бортнікаў знаходзіцца ў санкцыйным спісе Канады і ЕЗ, але не ЗША. Джэн Псакі сёння давялося адказваць на пытанні аб знаходжанні ў Вашынгтоне Бортнікава ў сувязі з падзеямі ва Украіне.
Яна падкрэсліла, што ў візіце кіраўніка ФСБ няма нічога незвычайнага.
«Гвалтоўны экстрэмізм і тэрарызм датычацца людзей ва ўсім свеце, уключаючы Расею», - заявіла Псакі, дадаўшы, што контр-тэрарызм з'яўляецца зонай супрацоўніцтва паміж Вашынгтонам і Масквой.
State confirms head of Russian FSB was granted visa and is coming to US for summit on countering violent extremism.
— Shane Harris (@shaneharris) 18 февраля 2015
Псакі заявіла, што ЗША «вітаюць удзел Расеі ў саміце».
Між тым, аглядальнікі мяркуюць, што візіты расейскіх чыноўнікаў могуць быць часткай дыялогу паміж ЗША і Расеяй з нагоды развіцця сітуацыі ва Украіне.
«Магчыма, гэта знак, што Пуцін гатовы гуляць па правілах?» - выказаў меркаванне аглядальнік выдання Buzzfeed Макс Седан.
Wow, FSB director Bortnikov is in DC for an anti-terrorism conference. A sign Putin is ready to play nice? http://t.co/D1o9h6FZhD
— max seddon (@maxseddon) 18 февраля 2015
«Які сігнал гэта дае свету, што дырэктар ФСБ, на якога Канада і ЕЗ наклалі санкцыі, прыбывае на саміт у Вашынгтон?» - пытаецца блогер Барыс Зіберман.
"Despite tensions over #Ukraine, #US welcomes #Russia spy chief to conference on countering extremism"
— Matt Lee (@APDiploWriter) 18 февраля 2015