Кірыл Алексіян прадоўжыць кар'еру ў Харватыі

Паўабаронца мікашэвіцкага «Граніту» Кірыл Алексіян перабраўся ў чэмпіянат Харватыі.

У канцы студзеня хафбэк адправіўся на прагляд у «Істру-1961» з Пулы, якая займае 8-е месца ў элітным дывізіёне гэтай балканскай краіны. Агледзіны прайшлі ўдала: галоўны трэнер і кіраўніцтва клуба пажадалі бачыць беларуса ў сваім складзе. Аднак нашым суайчыннікам, каб выступаць у наймацнейшай лізе Харватыі, трэба атрымаць дазвол на працу, а гэты працэс займае два-тры месяцы, піша «Прессбол».

Тым не менш, Кірыл Алексіян застанецца ў Харватыі, праўда, у другім дывізіёне - там спецыяльнага дазволу не трэба. Учора беларус падпісаў пагадненне на 3 месяцы з клубам «Хрвацкі Драгаволяц» з Заграба, які цяпер займае 8-е месца ў другім дывізіёне чэмпіянату Харватыі. З лета ж беларус разачнецца з трэнінгамі з «Істрай-1961».