Экс-прэзідэнт Мальдываў арыштаваны паліцыяй

Паліцыяй Мальдыўскай рэспублікі арыштаваны былы прэзідэнт, лідар Мальдыўскай апазіцыі Махамед Нашыд.

Пра гэта паведамляюць СМІ з месца падзей, піша «Інтэрфакс».

Пакуль афіцыйных паведамленняў пра прычыны арышту не паступала, але СМІ не выключаюць, што экс-прэзідэнту можа быць выстаўленае абвінавачванне ў тэрарызме.

Арышт суправаджаўся пратэстамі прыхільнікаў Махамеда Нашыда, якія перашкаджалі праезду аўтамабіля з арыштаваным. Паліцыя вымушаная была ўжыць перцавы газ.