Пад Данецкам забілі ўкраінскага журналіста
7- 28.02.2015, 20:59
- 20,009
У выніку абстрэлу ў населеным пункце Пяскі пад Данецкам загінуў фатограф украінскай газеты «Сегодня» Сяргей Нікалаеў.
Пра гэта гаворыцца ў паведамленні на сайце выдання.
«Рэдакцыя газеты «Сегодня» і сайта Segodnya.ua смуткуе і выказвае самыя глыбокія спачуванні сваякам і блізкім загінулага. Сяргей быў выдатным фатографам і аддаваў усяго сябе працы», - заявілі ў рэдакцыі.
Пра гэта стала вядома на фоне паведамленняў аб зніжэнні інтэнсіўнасці абстрэлаў у зоне канфлікту.
Нагадаем, што 26 лютага сілы антытэрарыстычнай аперацыі пачалі адвядзенне цяжкага ўзбраення ад лініі размежавання ў Данецкай і Луганскай абласцях.