Лія Ахеджакава: «Гэта сігнал неймавернай пачварнасці! Гэта 38-ы год!»

Народная артыстка Расеі Лія Ахеджакава - аб арышце «за здраду дзяржаве» хатняй гаспадыні Святланы Давыдавай, маці семярых дзяцей.

- Там, дзе ўзялося ФСБ, тут ужо чалавеку, які даўно тут жыве, у Расеі, усё зразумела, - сказала акторка ў інтэрв'ю «Эху Москвы». - Але гэта не значыць, што мы павінны апусціць рукі. Трэба ўспасці ўсім. Гэта сігнал ней-ма-вер-най пачварнасці! Гэта 38-ы год! Я граю ў «Крутым маршруце», я шмат дакументаў прачытала, што рабілі, што было, і ў мяне яшчэ гэта свежае, бо я граю ў спектаклі, я гэта чытаю, ведаю, я вялікая прыхільніца Шаламава, Салжаніцына, і я вам скажу: гэта абсалютная гісторыя 37-38 года.

Гэта значыць галоўная мая думка - што гэта ўспаміны пра 37-мы год. Галоўная мая думка - што гэта жахлівы прэцэдэнт! Калі цяпер усе патрыёты і ўся «пятая калона», і ўсе лібералы, і ўсё каршуны, і ўсе-ўсе не паўстануць, могуць быць найцяжэйшыя наступствы. Галоўнае - пачаць. Я маю на ўвазе, пачнуцца вось гэтыя справы аб здрадніках, прадажніках, падпальшчыках Крамля, шпіёнах амерыканскіх і ўсіх іншых нашых ворагах.

Нагадаем, маці семярых дзяцей, расейка Святлана Давыдава была арыштаваная на 2 месяцы за тое, што патэлефанавала ва ўкраінскае пасольства і паведаміла аб магчымай адпраўцы вайскоўцаў суседняй вайсковай часткі ў Данецк.