Другакласніца з Магілёва сабрала 1,4 тоны макулатуры
15- 7.02.2015, 15:35
- 15,156
Дзяўчынка кажа, што рабіла гэта, каб дапамагчы прыродзе.
- Мы праводзілі агульнашкольную акцыю ў зборы макулатуры «Выратуй дрэва», у якой удзельнічалі ўсе класы. Звычайна клас збірае 20 - 100 кілаграмаў макулатуры, але дзякуючы Ефрасінні Варапаевай 2-і «У» пабіў усе рэкорды - дзяўчынка здала амаль 1,4 тоны! - распавёў «Комсомольской правде в Беларуси» дырэктар магілёўскай СШ №8 Аляксандр Корзун.
Сама Ефрасіння прызнаецца, што макулатуры было так шмат, што яе даводзілася вазіць у школу на мікрааўтобусе.
- У нас ёсць вялікі аўтамабіль, але нават у яго ўсё не ўлезла, - успамінае дзяўчынка.
- Адны мы б не справіліся, звярнуліся па дапамогу да сяброў, - прызнаецца яе мама Святлана Міхайлаўна. - Мы прадпрымальнікі, і ў нас застаецца шмат кардоннай тары. Як толькі мы даведаліся пра акцыю, наважылі яе не выкідваць, а здаваць. Мэты перамагчы мы перад сабой не ставілі - проста здавалі макулатуру.
Фота маленькай дзяўчынкі і амаль паўтары тон макулатуры бацькі не зрабілі.
- Не фатаграфавалі, бо не бачым у гэтым нічога звышнатуральнага, - тлумачыць мама. У школе абяцаюць узнагародзіць 2-і «У» за рэкорд, але Ефрасіння прызнаецца, што рабіла гэта не дзеля падарункаў. - Мне проста хацелася дапамагчы прыродзе, - кажа другакласніца.