Рарытэтны Ферары Алена Дэлона прадалі з аўкцыёну

Пакупнік выклаў за аўто суму 14 мільёнаў еўраў.

Аўтамабіль Ферары, які належаў французскаму актору Алену Дэлону, быў прададзены на аўкцыёне больш як за 14 мільёнаў еўраў, паведамляе Les Echos.

Паводле звестак выдання, аўтамабіляў мадэлі Ferrari 250 GT SWB California Spider было выраблена агулам 37 адзінак, піша korrespondent.net.

Адзначаецца таксама, што прададзены аўтамабіль уважаўся за страчаны. Аднак пэўны час таму яго знайшлі на адной з французскіх фермаў.