Джон Кэры: Расея заплаціць вялікую плату ў выпадку далейшай агрэсіі
46- 8.02.2015, 8:44
- 69,198
Масква павінна неадкладна адвесці цяжкае ўзбраенне і закрыць мяжу з Украінай.
Інакш ёй давядзецца заплаціць вялікую плату. Пра гэта па выніках сустрэчы з міністрам замежных спраў РФ Сяргеем Лаўровым напісаў на сваёй старонцы ў сетцы мікраблогаў «Твітэр» дзяржсакратар ЗША Джон Кэры. Сустрэча адбылася на міжнароднай канферэнцыі, якая праходзіць у Мюнхене.
«На сустрэчы з міністрам замежных спраў Расеі Лаўровым падкрэсліў патрэбу неадкладнага аднаўлення спынення агню, адводу цяжкіх узбраенняў і закрыцця мяжы з Украінай», - напісаў ён.
Just met w/FM #Lavrov. Reiterated need for immediate resumption of ceasefire, withdrawal of heavy weapons & closing the border in #Ukraine.
— John Kerry (@JohnKerry) 7 февраля 2015«Я зноў даў ясна зразумець міністру замежных спраў Лаўрову, што дээскалацыя ў інтарэсах усіх. Расею будуць судзіць паводле яе дзеянняў. Давядзецца заплаціць вялікую плату, калі агрэсія будзе доўжыцца»- падкрэсліў Кэры.
Made clear again to FM #Lavrov that deescalation in everyone's interests. #Russia will be judged by actions/more costs if attacks continue.
— John Kerry (@JohnKerry) 7 февраля 2015Нагадаем, міністр замежных спраў Расеі і дзяржсакратар ЗША сустрэліся ў Мюнхене, дзе 7 лютага праходзіць міжнародная канферэнцыя аб бяспецы. Гэта першая сустрэча кіраўнікоў замежнапалітычных міністэрстваў дзвюх краін у гэтым годзе.
