Экс-кіраўнік Федэральнага рэзерву ЗША: Грэцыі давядзецца сысці з еўразоны
16- 8.02.2015, 21:31
- 39,399
Былы кіраўнік Федэральнага рэзерву ЗША Алан Грынспен папярэдзіў, што Грэцыі давядзецца выйсці з еўразоны.
У інтэрв'ю BBC ён сказаў, што не бачыць, хто б мог захацець падперці кволую грэцкую эканоміку новымі пазыкамі.
Грэцыя хоча дамовіцца аб новых умовах выплаты сваіх замежных запазычанасцей, аднак Грынспен з гэтай нагоды сказаў наступнае: «Я не думаю, што гэтае пытанне можа быць развязанае без выхаду Грэцыі з еўразоны».
Раней міністр фінансаў Вялікабрытаніі Джордж Осбарн заявіў, што выхад Грэцыі выкліча ў Брытаніі «вялікі перапалох».
Алан Грынспен, які 19 гадоў узначальваў Федэральны рэзерв ЗША (1987-2006 гг.), з нагоды магчымага сыходу Грэцыі з еўразоны канстатаваў: «Не думаю, што гэта дапаможа ім або еўразоне агулам; проста з часам усе зразумеюць, што расстанне - гэта найлепшая стратэгія ў гэтым выпадку».