Дапамагчы Украіне ў цяжкі момант

Будучыня ліберальных каштоўнасцяў большай часткі Еўропы залежыць сёння ад таго, прыйдзе ці не Захад на дапамогу Украіне.

Расея не выконвае ўмовы апошняга пагаднення аб спыненні агню ва Украіне. Замест гэтага яна, скарыстаўшыся спрыяльнай магчымасцю, перапраўляе праз мяжу дадатковую зброю, а яе войскі працягваюць абстрэльваць ўкраінскія пазіцыі. Уладзімір Пуцін, які загадаў на гэтым тыдні правесці чарговыя вайсковыя вучэнні на захадзе Расеі, магчыма, рыхтуецца да правядзення наступу з мэтай захопу новых тэрыторый. Але ў яго ёсць і больш вытанчаныя сродкі нападу на празаходні ўрад у Кіеве, які апынуўся ў цяжкім становішчы. Падтрыманы заходнімі краінамі і МВФ ненадзейны пакет фінансавай дапамогі даў яму спрыяльную магчымасць, піша The Washington Post.

МВФ надоечы падлічыў, што Украіне для прадухілення краху сваёй валюты і выканання замежных пазыковых абавязанняў на наступныя чатыры гады спатрэбіцца як мінімум 40 мільярдаў даляраў. Фонд паабяцаў 17,5 мільярда, а вось заходнія донары прапанавалі ўсяго 7,5 мільярда. Такім чынам, дэмакратычна абранаму ўраду Пятра Парашэнкі ў наступныя некалькі месяцаў давядзецца прасіць у замежных трымальнікаў украінскіх валютных аблігацый 15 мільярдаў даляраў на палёгку цяжару запазычанасці. Самым значным уладальнікам такіх аблігацый з'яўляецца Расея, якой належыць тры мільярды даляраў украінскай запазычанасцей у выглядзе еўрааблігацый.

Нядзіўна, што пуцінскія міністры занялі жорсткую пазіцыю, заяўляючы пра тое, што калі ў гэтым годзе настане час сплаціць запазычанасці, Украіна павінна будзе расплаціцца цалкам. Іншыя трымальнікі аблігацый, якіх Украіна просіць падоўжыць тэрміны сплаты, а таксама спісаць асноўную суму, адмаўляюцца ад усялякіх угод без удзелу Расеі. Такім чынам, украінскаму міністру фінансаў амерыканскага паходжання Наталлі Ярэська даводзіцца вельмі цяжка, бо яна вымушаная прасіць аб дапамозе рэжым, чые танкі і войскі цяпер знаходзяцца на тэрыторыі яе краіны, і які імкнецца да знішчэння яе дзяржавы.

Такі вагар уздзеяння Расеі ўручылі заходнія лідары, якія свае ўзнёслыя заявы аб падтрымцы Украіны не падмацоўваюць фінансавай дапамогай. Як і ЕЗ, Злучаныя Штаты даюць Украіне два мільярды даляраў у выглядзе крэдытных гарантый, хоць гэта нікчэмная сума ў параўнанні з сумамі дапамогі, якую яны робяць іншым сваім хаўруснікам у крызіснай сітуацыі. Прытрымліваючыся прыкладу канцлеркі Нямеччыны Ангелы Мэркель, чыноўнікі з Белага дома ўхіляюцца ад заклікаў выдаць Украіне абарончае ўзбраенне і заяўляюць, што значна важней забяспечыць поспех ўрада Парашэнкі. Аднак адміністрацыя Абамы не прапануе Украіне нават тыя сродкі, якія патрэбныя ёй для разлікаў з запазычанасцямі з Расеяй, не кажучы ўжо аб барацьбе з яе войскам.

Заяўляючы пра тое, што Украіна ўдзячная за атрыманую дапамогу, Ярэська заявіла нам: «Цяжка паверыць, што больш падтрымкі не будзе». Яна паказвае, што яе наноў набытая радзіма з насельніцтвам 45 мільёнаў чалавек у даслоўным сэнсе паставіла на кон сваю будучыню і жыццё тысяч сваіх грамадзян, імкнучыся да заходняй дэмакратыі і сістэмы свабоднага рынку. Пуцін мае намер раскідаць зроблены выбар. Будучыня ліберальных каштоўнасцяў на большай частцы Еўропы залежыць сёння ад таго, прыйдзе ці не Захад на дапамогу Украіне.

Урад Парашэнкі просіць не аб бязвыплатнай падачцы. Ён ведае, што яму давядзецца адказаць на дапамогу радыкальнымі і балючымі рэформамі. Ён значна павялічвае энэргетычныя кошты для спажыўцоў і запускае маштабныя рэформы праваахоўных і судовых органаў. Урад пакуль не давёў, што будзе мець поспех у гэтай справе, але ён заслугоўвае большага, чым тую мізэрную дапамогу, якую яму аказваюць ЗША.

Пераклад на рускую: Inosmi.ru

Фота: Getty Images