З'явіўся дадатак, здольны ствараць «жывыя» фотаздымкі

Дадатак Moju дазваляе камбінаваць магчымасці звычайных фотаздымкаў ды анімацыі.

У App Store выйшла вялікае абнаўленне дадатку Moju, які дазваляе камбінаваць магчымасці звычайных фотаздымкаў ды анімацыі. У мабільную праграму дадалі мэсэнджар для стасункаў з іншымі карыстальнікамі сэрвісу, падтрымку push-апавяшчэнняў і абнавілі карыстальніцкі інтэрфэйс, піша telegraf.com.ua.

Як з вонкавага аздаблення, так і са свайго функцыянавання Moju з’яўляецца нечым сярэднім паміж Instagram і Vine. Дадатак дазваляе аб'ядноўваць у адным допісе да 24 кадраў. Зрабіўшы дастатковую колькасць здымкаў, карыстальнік можа накласці на іх адзін са стандартных фільтраў, пасля гэтага фота ператвараюцца ў адзіную выяву.

Прынцыповае адрозненне такой выявы ад фотаздымкаў у Instagram або відэаролікаў у Vine у тым, што ў стужцы здымкаў Moju кожны карыстальнік можа "пракручваць" яе ў левы або правы бок, "ажыўляючы" тым самым выяву і робячы яго падобнай да відэа і гіфку адначасова.

Здымкі, зробленыя з дапамогай дадатаку - гэта не проста выдатны спосаб ажывіць свае фотаздымкі, але і па-сапраўднаму новы погляд на тое, як рабіць сэлфі, упэўненыя распрацоўшчыкі. Для здымкаў сябе, зробленых на тэлефон, у дадатку ёсць нават адмысловы рэжым публікацыі - Use as selfie ("выкарыстоўваць як сэлфі").

Пайсці на стварэнне сэрвісу распрацоўшчыкаў прымусіла "абмежаванасць" звычайных фотаздымкаў. "Фотаздымкі часта бываюць занадта дакладнымі, - кажа кіраўнік Moju МАК. - Яны абмежаваныя да аднаго кадра. З Moju у фота можна дадаваць аб'ём, час, трохвымернасць".